099 765 27 47 info@solarispsixologiya.az

Sxema Testi

PSİXOLOJİ TEST

Başlamazdan əvvəl məlumatlarınızı daxil edin

Məlumatlarınız test nəticəsinin mütəxəssis tərəfindən düzgün qeyd olunması üçün istifadə edilir.

SXEMA TESTİ

Sxema Testi

Sual 1 / 90

1. Heç vaxt mənə baxan, mənimlə vaxt keçirən və ya başıma gələnlərlə həqiqətən maraqlanan heç kim olmayıb.

2. Yaxın olduğum insanlardan uzaqlaşmaq məni narahat edir, çünki qorxuram ki, məni tərk edərlər.

3. Mənə elə gəlir ki, insanlar məndən istifadə edirlər.

4. İnsanlara uyğunlaşmaqda çətinlik çəkirəm.

5. Xoşuma gələn kişi və ya qadınların heç biri qüsurlarımı görsə məni sevməz.

6. İş (və ya məktəb, təhsil ) həyatımda, demək olar ki, heç nəyi digər insanlar qədər yaxşı bacarmıram.

7. Gündəlik həyatımı müstəqil şəkildə idarə etmək qabiliyyətim olduğunu hiss etmirəm.

8. Pis bir şeyin baş verəcəyi hissindən qurtula bilmirəm.

9. Valideynlərimdən ayrılmağı və yaşıdlarım qədər müstəqil hərəkət edə bilməyi bacarmadım.

10. Düşünürəm ki, istədiyimi etsəm, özümü çətinliyə salacağam.

11. Yaxınlarıma maraqlanan və onlara qayğı göstərən adətən mən oluram.

12. Müsbət emosiyalarımı, məsələn, sevdiyimi və ya dəyər verdiyimi insanlara göstərməyə utanıram.

13. Etdiyim əksər işlərdə ən yaxşı olmalıyam; ikinci yeri tutmağı qəbul edə bilmərəm.

14. İnsanlardan bir şey istəyəndə, mənə "yox" deyilməyini qəbul etməkdə çox çətinlik çəkirəm.

15. Özümü adi və darıxdırıcı işlər görməyə məcbur edə bilmirəm.

16. Pulumun olmağı və vacib insanları tanımağım məni dəyərli edir.

17. Hər şey qaydasında gedirmiş kimi görünsə belə, içimdə elə bir hiss var ki, sanki hər şey pozulacaq.

18. Əgər səhv bir şey etsəm, cəzalandırılmağa layiqəm.

19. Ətrafımda mənə isti münasibət, qayğı və emosional yaxınlıq göstərən heç kim yoxdur.

20. Başqa insanlardan o qədər çox asılıyam ki, onları itirmək qorxusu məni çox narahat edir.

21. Ehtiyatı əldən verə bilmərəm, əks halda hiss edərəm ki, insanlar mənə qəsdən zərər verməyə çalışacaqlar.

22. Mən digər insanlardan tamamilə fərqliyəm.

23. Xoşuma gələn insanlar əsl məni tanısaydılar, heç biri mənə yaxın olmaq istəməzdi.

24. İşləri yerinə yetirməkdə tamamilə bacarıqsızam.

25. Gündəlik işlərdə özümü başqalarından asılı biri hiss edirəm.

26. Mənə elə gəlir ki, hər an bir fəlakət (təbii, hüquqi, maddi və ya tibbi) baş verə bilər.

27. Anam, atam və mən bir-birimizin həyatına və problemlərinə həddindən artıq qarışmağa meylliyik.

28. Mənə elə gəlir ki, digər insanların istəklərini yerinə yetirməkdən başqa çarəm yoxdur, əgər bunu etməsəm, məni özlərindən uzaqlaşdıracaqlar və ya bir şəkildə qisas alacaqlar.

29. Digər insanları özümdən çox düşündüyüm üçün mən yaxşı bir insanam.

30. Məncə hissləri digər insanlara açmaq utandırıcıdır.

31. Əlimdən gələnin ənyaxşısını etməliyəm,” çünki "kifayət qədər yaxşı" ilə kifayətlənə bilmərəm.

32. Mən (özəl biriyəm) xüsusiyəm və digər insanlara qoyulan məhdudiyyətləri qəbul etmək məcburiyyətində deyiləm.

33. Məqsədimə çatmasam, asanlıqla ruhdan düşə və geri çəkilə bilərəm.

34. Mənim üçün ən dəyərli nailiyyətlər digər insanların da gördüyü nailiyyətlərdir.

35. Hər hansı yaxşı bir şey yaşasam, ardınca pis bir şeyin baş verəcəyindən narahat oluram.

36. Əgər bir səhv etsəm, bu bağışlanmazdır.

37. Heç vaxt heç kim üçün xüsusi bir insan olduğumu hiss etməmişəm.

38. Yaxınlarımın məni buraxıb gedəcəyi və ya məndən ayrılacağı fikri məni narahat edir.

39. Hər an kimlərsə məni aldatmağa cəhd edə bilər.

40. Mən heç yerə aid deyiləm, təkəm.

41. Mən heç kimin sevgisinə, diqqətinə və hörmətinə layiq insan deyiləm.

42. İş və nailiyyət baxımından bir çox insan məndən daha yaxşıdır.

43. Nəyin düz, nəyin səhv olduğunu ayırd etməkdə çətinlik çəkirəm.

44. Fiziki zorakılığa (hücuma) məruz qalmaqdan qorxuram.

45. Əgər anam, atam və mən şəxsi həyatımızı bir-birimizdən gizlətsək, bir-birimizi aldatmış kimi olarıq və günahkarlıq hiss edərik.

46. Münasibətlərimdə tərəf müqabilimin idarə edən şəxs olmağına icazə verirəm.

47. Sevdiklərimlə (yaxınlarımla) o qədər məşğulam ki, özüm üçün çox az vaxtım olur.

48. İnsanlarla birlikdə olanda səmimi və mehriban olmaq mənim üçün çətindir.

49. Bütün məsuliyyətlərimi yerinə yetirməyə məcburam.

50. İstədiyimi etməyimə mane olunmağından və ya məhdudlaşdırılmaqdan nifrət edirəm.

51. Uzunmüddətli məqsədlərimə çatmaq üçün indi mənə zövq verən şeylərdən imtina etməkdə çətinlik çəkirəm.

52. İnsanlardan kifayət qədər diqqət görməsəm, özümü daha az dəyərli hiss edərəm.

53. Kifayət qədər diqqətli olmasanız, demək olar ki həmişə nəsə bir şey səhv olacaq.

54. Əgər işimi düzgün yerinə yetirməsəm, nəticələrinə qatlaşmalıyam.

55. Heç vaxt məni həqiqətən dinləyən, başa düşən və əsl ehtiyaclarıma və hisslərimə əhəmiyyət verən heç kimim olmayıb.

56. Dəyər verdiyim birinin məndən uzaqlaşdığını hiss edəndə özümü çox pis hiss edirəm.

57. İnsanların niyyətlərinə çox şübhə ilə yanaşıram.

58. Özümü digər insanlardan uzaq və təcrid olunmuş hiss edirəm.

59. Özümü sevilə bilən biri kimi hiss etmirəm.

60. İş (və ya məktəb) həyatımda digər insanlar qədər istedadlı deyiləm.

61. Gündəlik məsələlərdə verdiyim qərarlara etibar etmək olmaz.

62. Bütün pulumu itirməkdən, çox kasıb və ya yazıq bir vəziyyətə düşməkdən qorxuram.

63. Əsasən valideynlərimlə iç-içə yaşadığımızı hiss edirəm, elə bil öz həyatım yoxdur.

64. Özüm üçün nə istədiyimi bilmədiyimə görə, həmişə insanların mənim yerimə qərar verməyinə icazə verirəm.

65. Mən həmişə hamının problemlərini dinləyən insan olmuşam.

66. Özümü o qədər idarə edirəm ki, insanlar məni hissiz və duyğusuz hesab edirlər.

67. Mən uğur qazanmaq və nəsə etmək üçün daim təzyiq altındayam.

68. Hamının riayət etdiyi qaydalara və ənənələrə tabe olmaq məcburiyyətində olmadığımı hiss edirəm.

69. Mənim xeyrimə olduğunu bilsəm belə, xoşuma gəlməyən şeyləri etməyə özümü məcbur edə bilmərəm.

70. Bir yığıncaqda fikrimi bildirəndə və ya qrupla tanış ediləndə təsdiqlənmək və bəyənilmək istəyirəm.

71. Nə qədər çox çalışsam da, müflis olacağımdan və demək olar ki hər şeyimi itirəcəyimdən qorxuram.

72. Niyə səhv etdiyimin əhəmiyyəti yoxdur; səhv etmişəmsə, məsuliyyəti öz üzərimə götürməliyəm.

73. Həyatım boyu, çarəsiz qaldığım zamanlarda heç vaxt mənə uyğun məsləhət və istiqamət verən heç bir insan olmayıb.

74. Bəzən insanları, məni buraxıb gedəcəklərindən qorxduğum üçün özümdən uzaqlaşdırıram.

75. Mən adətən insanların əsl və pis niyyətlərini araşdırıram.

76. Qruplarda həmişə özümü kənarda qalmış kimi hiss edirəm.

77. Bir çox qəbuledilməz xüsusiyyətlərim olduğuna görə insanlara özümü tam aça və məni olduğum kimi tanımalarına icazə verə bilmirəm.

78. İş (və ya məktəb) həyatımda digər insanlar qədər ağıllı deyiləm.

79. Gündəlik problemləri həll etmək qabiliyyətimə inamım azdır.

80. Həkim ciddi bir xəstəlik aşkar etməsə də, məndə ciddi bir xəstəliyin olmağından qorxuram.

81. Tez - tez hiss edirəm ki, anamdan, atamdan və ya həyat yoldaşımdan ayrı bir şəxsiyyətim yoxdur.

82. Hüquqlarıma hörmət edilməyini və hisslərimin nəzərə alınmağını istəməkdə çox çətinlik çəkirəm.

83. İnsanlar məni hamı üçün çox, özüm üçün isə az iş görən biri kimi görürlər.

84. Hamı məni emosional olaraq soyuq hesab edir.

85. Nə məsuliyyətdən asanlıqla yaxa qurtara, nə də səhvlərim üçün bəhanə tapa bilmirəm.

86. Mənə elə gəlir ki, mən hamıdan daha vacib işlərlə məşğulam.

87. Mən nadir hallarda qərarlarıma sadiq qalıram.

88. Çox təriflənmək və iltifat almaq mənə özümü dəyərli hiss etdirir.

89. Səhv bir qərarın fəlakətə səbəb ola biləcəyindən qorxuram.

90. Mən cəzalandırılmağa layiq olan pis bir insanam.

Bu test nə üçündür?

Sxema testi (Young Schema Questionnaire / YSQ) uşaqlıq və yeniyetməlik dövründə formalaşa bilən və sonrakı həyatda düşüncə, hiss və münasibətlərə təsir göstərə bilən erkən maladaptiv sxemləri müəyyənləşdirməyə kömək edən özünüqiymətləndirmə vasitəsidir.

Test 18 sxema üzrə göstərici formalaşdırır. Hər ifadəni oxuyun və sizi nə dərəcədə yaxşı təsvir etdiyinə emosional hisslərinizə əsasən cavab verin.

Qeyd: Bu test təkbaşına diaqnoz qoymur. Nəticə mütəxəssis tərəfindən klinik qiymətləndirmə ilə birlikdə nəzərdən keçirilməlidir.